Danûstandinên agirbesta di navbera Îran û DYA’yê de didomin, lê belê hate ragihandin ku Tengava Hurmuzê dîsa hatiye girtin.
Serfermandariya leşkerî ya Îranê ragihand ku ji ber ku DYA hê jî dorpêça deryayî li dijî Îranê didomîne, ji ber vê yekê wan Tengava Hurmuzê dîsa girtin.
Di daxuyaniya artêşê de hate gotin ku li Tengava Hurmuzê dê dîsa “kontrola tund” were bicihkirin.
Di daxuyaniya ku li televîzyona dewletê hate weşandin de, hate xuyang kirin ku DYA’yê bi domandina dorpêça deryayî li dijî keştiyên ku diçin û tên limanên Îranê, peymana xwe şikandiye.
Di daxuyaniyê de hate gotin ku heta ku DYA ji bo hemû keştiyan azadiya gerîna deryayî dîsa peyda neke, “rewşa li Tengava Hurmuzê dê di bin kontrola tund de bimîne.”
DORPÊÇA DERYAYÎ YA DYA’YÊ
Dorpêça deryayî ya DYA’yê li dijî Îranê, hê jî yek ji sedemên sereke yên bilindbûna tansiyonê li herêmê ye.
Aliyê Îranê berê jî gotibû ku heke dorpêça deryayî bidome, ew ê bersivê bide. Berpirsyarên Îranî hişyarkiribûn ku heke zexta DYA’yê bidome, Hurmuz dîsa dikare were girtin.
Nûçe – Çand – Huner