Donald Trump di axaftina xwe ya li çalakiya Turning Point USA ku li bajarê Phoenixê yê eyaleta Arizona hate lidarxistin de got: “Di demeke pir nêz de, roja ku 70 salan e tê bendekirin dê were. Navê vê jî ‘Şefeqeke Nû ji bo Kuba’yê’ ye.”
Gotinên Donald Trump, bi taybetî wekî nîşaneyek ji bo siyasetek an jî êrîşek nû ya DYA’yê li hember Cuba hate şîrovekirin.
Donald Trump di axaftina xwe de bîr anî ku DYA’yê di 3’ê Çile de Serokê Dewleta Venezuela, Nicolás Maduro, bi destwerdana leşkerî ji desthilatê dûr xistiye û îma kir ku dibe ku li Cuba jî guhertinek bi vî rengî pêk were. Wî got: “Bi saya vê hêza mezin, di demeke pir nêz de roja ku 70 salan e tê bendekirin dê were.”
Piştî daxuyaniyên xwe derbarê Cuba de, Donald Trump behsa siyaseta enerjiyê jî kir. Wî got ku DYA dê çavkaniyên xwe yên enerjiyê zêde bike û got: “Li şûna ku em çavkaniyên xwe sînordar bikin û xwe di destê dijminan de bihêlin, emê çavkaniyên xwe bixwe bi kar bînin.”
Wî her wiha îdîa kir ku DYA ji berhevkirina petrola Russia û Saudi Arabia bi hev re zêdetir petrala wan heye û got ku ev hejmar dê di demeke nêz de dê zide bibe û bibe du qat.
